راولپنڈی (آئی این پی) ترجمان چوہدری نثار علی خان نے نواز شریف سے ملاقات کی خواہش کے اظہار سے متعلق خبروں کی تردید کرتے ہوئے کہا ہے کہ چوہدری نثار نے نواز شریف سے ملاقات کی خواہش کا اظہار کیاہے اور نہ ہی شہباز شریف کے ذریعے اس قسم کا کوئی پیغام بھجوایا ہے،چوہدری نثار علی خان نے ضمنی انتخابات میں الیکشن لڑنے یا نہ لڑنے کا کوئی ابھی تک فیصلہ نہیں کیا۔ترجمان نے کہا کہ نہ تو چوہدری نثار علی خان نے میاں

نواز شریف سے ملاقات کی خواہش کا اظہار کیاہے اور نہ ہی انہوں نے میاں شہباز شریف کے ذریعے اس قسم کا کوئی پیغام بھجوایا ہے۔حقیقت یہ ہے کہ ان کا میاں شہباز شریف سے بھی کوئی رابطہ نہیں۔ ترجمان نے اس بات کی بھی تردید کی ہے کہ چوہدری نثار علی خان نے ضمنی انتخابات میں حصہ لینے کا فیصلہ کیا ہے۔ ترجمان نے کہا ہے کہ چوہدری نثار علی خان نے اس وقت تک الیکشن لڑنے یا نہ لڑنے کا کوئی فیصلہ نہیں کیا۔