واشنگٹن(نیوزڈیسک)امریکی محکمہ دفاع کی آڈٹ رپورٹ میں فوجی افسران سمیت پینٹاگون کے بیشتر ملازمین کا حکومتی کریڈٹ کارڈذ کو جوا اور فحش ویب سائٹس کی رسائی تک استعمال کرنے کا انکشاف ہوا ہے۔غیر ملکی میڈیا کے مطابق آڈٹ رپورٹ میں بتایا گیا کہ امریکی عسکری حکام اور پینٹاگون کے بیشتر ملازم نے کریڈٹ کارڈز کے ذریعے 4 ہزار 437 مرتبہ مالی لین دین قمار بازی اور جوے خانوں کےلئے کی . سرکاری کریڈٹ کارڈز سے 900 مرتبہ فحش ویب سائٹس کو ادائیگی کی گئی۔پینٹاگون حکام کے مطابق یکم جولائی 2013 سے جون 2014 تک پینٹاگون کریڈٹ کارڈزسے جوے خانوں میں 95 ہزار 576 ڈالرز خرچ کیے گئے . 96 ہزار 576 ڈالرز فحش ویب سائٹس اور جسم فروش خواتین کو رقم کی ادائیگی کےلئے بھی خرچ کیے گئے ہیں۔پینٹاگون حکام نے اس رحجان پر شدید ردِعمل کا اظہار کرتے ہوئے کہا کہ ان سویلین اور عسکری افراد کا رویہ ہمارے اقدار کے خلاف ہے جو ظاہر کرتا ہے کہ وہ ہماری سہولیات کا کس طرح غلط استعمال کرتے ہیں تاہم ایسے ملازمین کی تعداد بہت کم ہے۔ حکام نے بتایا کہ یہ رقم ملازمین کو سفری اور دیگر اخراجات کےلئے فراہم کی جاتی ہے اور اس کا غلط استعمال کرنے والوں کے خلاف کارروائی کی جائےگی۔