اسلام آباد (آ ئی این پی)مزید5نومنتخب آزاد ارکان اسمبلی نے پاکستان تحریک انصاف میں شمولیت اختیار کر لی۔ پی ٹی آئی میں شا مل ہونے والوں میں قومی اسمبلی کے 4اور صوبائی اسمبلی کا ایک رکن شامل ہے۔بدھ کو پاکستان تحریک انصاف میں آزاد صوبائی و قومی اسمبلی کے ارکان کی شمولیت کا سلسہ مسلسل جاری و ساری رہا۔ قومی اسمبلی کے آزادحیثیت میں منتخب عاصم نذیر اور مظفر گڑھ کے سردار خرم لغاری نے تحریک انصاف میں شمولیت کا اعلان کیا ۔
ان کے علاوہ جھنگ سے تیمور خان اور تیمور لالی جبکہ پی پی 127 کے محمد اسلم بھروانہ بھی تحریک انصاف کا حصہ بن گئے۔ تمام رہنماوں نے بنی گالہ اسلام آباد میں چیئرمین تحریک انصاف سے ملاقات کی۔ ملاقات میں تمام رہنماوں نے عمران خان کی قیادت میں نئے پاکستان کی تعمیر میں ہاتھ بٹانے کے عزم کے ساتھ عمران خان کی قیادت پر بھپور اعتماد کا اظہار کیا۔ چیئرمین عمران خان نے تمام رہنماوں کی پارٹی میں شمولیت کا خیر مقدم کیا۔
