ممبئی ( شوبز ڈیسک)بولی وڈ انڈسٹری میں سلمان خان اور مادھوری ڈکشت کی جوڑی کو ایک سپر ہٹ جوڑی مانا جاتا ہے، ان دونوں اداکاروں نے متعدد فلموں میں ایک ساتھ کام کیا ہے۔ ان فلموں میں ‘ساجن، دل تیرا عاشق، ہم آپ کے ہیں کون اور ہم تمہارے ہیں صنم’ شامل ہیں۔یہ تو آپ جانتے ہی ہوں گے کہ سماجی رابطے کی معروف ایپ انسٹاگرام پر ایک ایسا فیچر بھی متعارف کرایا گیا ہے جس کی مدد سے مداح اپنے سپراسٹار سے ان کی

ذاتی زندگی کے حوالے سے کوئی بھی سوال پوچھ سکتے ہیں۔ڈانسنگ ڈیوا مادھوری ڈکشت کے ایک مداح نے سنہ 1994 میں بننے والی فلم ‘ہم آپ کے ہیں کون’ میں کام کرنے والے ساتھی اداکار سلمان خان کے بارے میں ایک لفظ کہنے کو کہا، جس کا جواب انہوں نے انتہائی خوبصورتی کے ساتھ دیا۔جب مادھوری سے سلمان خان کے بارے میں ایک لفظ کہنے کو کہا گیا تو انہوں نے بولی وڈ کے دبنگ خان کو ‘شرارتی’ کے خطاب سے نواز دیا۔