اسلام آباد(مانیٹرنگ ڈیسک)امریکہ کے عراق پر حملہ کرنے ، افغانستان میں اتحادیوں کی گوریلا وار میں جان پھنس جانے اور وہاں سے جان چھڑانے کی تگ و دو کی 2002میں پیش گوئی کرنے والے ماہر علم نجوم منور علی کی عمران خان کی ترک صدر طیب اردوان کی طرح طاقتور حکمران بننے، کپتان کی بدولت دنیا بھر میں پاکستان کا ڈنکا بجنے کی پیش گوئی۔
تفصیلات کے مطابق امریکہ کے عراق پر حملہ کرنے ، افغانستان میں اتحادیوں کی گوریلا وار میں جان پھنس جانے اور وہاں سے جان چھڑانے کی تگ و دو کی 2002میں پیش گوئی کرنے والے ماہر علم نجوم منور علی نے عمران خان سے متعلق بڑی پیش گوئی کرتے ہوئے کہا ہے کہ عمران خان ترک صدر طیب اردوان کی طرح مضبوط اور طاقتورحکمران ثابت ہونگےاور انکے فیصلے ملک و قوم کے لئے انتہائی اہم ہونگے انکی پالیسیوں سے ملک ایک طاقتور مملکت کے طور پرپوری دنیا میں شناخت حاصل کرے گااوردنیا بھر میں پاکستان کے گرین پاسپورٹ کو عزت کی نگاہ سے دیکھا جائے گاعلم نجوم منور علی نے کہا ہے کہ بھارت پاکستان کے آگے گھٹنے ٹیکنے پر مجبور ہو جائے گااور امریکہ کا جھکاؤ پاکستان کی طرف ہوگاجبکہ ملک کے تمام اہم ادارے مضبوط ہونگے کرپشن کا خاتمہ ہوگااورملک کے لٹیرے انصاف کے کٹہرے میں کھڑے ہونگے انہوں نے کہا کہ عمران خان پاکستان کی لوٹی ہوئی دولت سوئزر لینڈ سے واپس لانے میں کامیاب ہو جائیں گے علم نجوم منور علی نے مزید پیش گوئی کرتے ہوئے کہا کہ ملک کی معیشت کو استحکام حاصل ہو جائیگااورنواز شریف کی پارٹی ٹوٹ پھوٹ کا شکار ہو جائے گی جبکہ متحدہ مزیدابتری کا شکار ہو جائے گی اور گراف نیچے آئے گا انہوں نے کہا کہ تحریک انصاف کی ملک کے چاروں صوبوں میں جڑیں مضبوط ہوں گی اور کراچی میں تحریک انصاف کی عوامی حمایت پہلے سے زیادہ ہوگی ۔ منور علی نے پیپلزپارٹی بارے پیش گوئی کرتے ہوئے کہا کہ زرداری کے اقدامات کی بدولت پیپلز پارٹی انتشار کا شکار ہو جائے گی جبکہ بلاول بھٹو کوپیپلز پارٹی کی ساکھ بچانے کے لئے بہت زیادہ جدو جہد کرنی پڑیگی۔
