اسلام آباد(مانیٹرنگ ڈیسک)پاکستان آرمی ایوی ایشن کے پائلٹس نے لاتوک چوٹی پرریسکیوآپریشن کرتے ہوئے روسی کوہ پیماکوبچالیا۔آئی ایس پی آر کے مطابق روسی کوہ پیماایلگزینڈرگوکوف 25 جولائی سے لاتوک پیک 1پر 20,650 فٹ کی بلندی پر پھنسا ہوا تھا اور اس کے پاس تین دن قبل کھانے پینے کا سامان بھی ختم ہوگیا تھا۔

برفانی بادلوں کے سبب روسی کوہ پیما کو تلاش کرنے میں مشکلات کا سامنا رہا جبکہ ریسکیو کرنے کی کوششیں 26 سے 30 جولائی تک جاری رہیں ۔ لاتوک1پیک پرپھنسے روسی کوہ پیما کوپاک فوج نے ہیلی کاپٹرکے ذریعے مشکل آپریشن میں ریسکیوکرلیا اور اسے محفوظ مقام پر منتقل کردیا گیا ہے۔