اسلام آباد(مانیٹرنگ ڈیسک)ایفی ڈرین کیس میں انسداد منشیات کی خصوصی عدالت میں ن لیگ کے کارکنوں کا رش، فیصلہ لکھتے جج چیمبر سے نکل کر کمرہ عدالت میں آگئے، شور کے باعث فیصلہ لکھنے میں خلل پیدا ہو رہا ہے، میں بھی آپ کی طرح کا انسان ہوں،جج نے وہاں موجود افراد کو باہر نکل جانے کا حکم دیدیا۔ تفصیلات کے مطابق ایفی ڈرین کیس میں انسداد منشیات کی خصوصی عدالت میں ن لیگ کے
کارکنوں کے رش اور شور کے باعث چیمبر میں فیصلہ لکھتے جج چیمبر چھوڑ کر کمرہ عدالت میں آگئے اور وہاں موجود تمام افراد کو کمرہ عدالت چھوڑ دینے کا حکم دیدیا ہے۔فاضل جج نے عدالتی عملے کو ہدایت دیتے ہوئے کہا کہ لا اینڈ آرڈر کا مسئلہ پیدا ہو رہا ہے۔ کمرہ عدالت میں موجود افراد کو مخاطب کرتے ہوئے فاضل جج کا کہنا تھا کہ میں بھی آپ کی طرح کا انسان ہوں ، آپ کے شور کے باعث فیصلہ لکھنے میں خلل پیدا ہو رہا ہے۔
