اسلام آباد (آئی این پی) انسداد دہشت گردی کی عدالت نے عمران خان و دیگر کی ایک دن کے لئے حاضری سے استثنیٰ کی درخواست منظور کرتے ہوئے عمران خان کو آئندہ سماعت پر پیش ہونے کا حکم دے دیا۔ جمعہ کو انسداد دہشت گردی کی عدالت میں پی ٹی وی اور پارلیمنٹ حملہ کیس کی سماعت ہوئی۔ عدالت نے
عمران خان و دیگر کی ایک دن کے لئے حاضری سے استثنیٰ کی درخواست منظور کرلی۔ عدالت نے عمران خان کو آئندہ سماعت پر پیش ہونے کا حکم دیا۔ عمران خان ‘ اسد عمر‘ عارف علوی اور شفقت محمود نے استثنیٰ کی درخواست دی تھی انسداد دہشت گردی کی عدالت نے کیس کی سماعت 11ستمبر تک ملتوی کردی۔
