اسلام آباد(نیوزڈیسک)پنجاب میں 29 جنوری کو چوہدری محمد سرور کے استعفے کے بعد گورنر کے خالی عہدے پر بالاخر تقرری کر دی گئی اور وزیر اعظم نواز شریف نے سینیٹر رفیق رجوانہ کو نیا گورنر پنجاب مقرر کر دیا ہے ، نئے گورنر جلد عہدے کا حلف اٹھائیں گے۔ اس سے پہلے رفیق رجوانہ نے اسلام آباد میں وزیر اعظم سے ملاقات کی۔ وزیر اعظم نے اس موقع پر پارٹی کے لیے ان کی خدمات کو سراہا۔ رفیق رجوانہ کا کہنا تھا کہ وہ پارٹی قیادت کے اعتماد پر پورا اتریں گے ادھر رفیق رجوانہ نے سینیٹ کے اجلاس میں اپنے الوداعی خطاب میں کہا کہ وہ جنوبی پنجاب کی محرومیوں کا ازالہ کرنے کی کوشش کریں گے۔ رفیق رجوانہ کا تعلق جنوبی پنجاب کے شہر ملتان سے ہے ، انہوں نے سیاسی کیرئیر کا آغاز مسلم لیگ ن سے کیا اور تاحال اس سے ہی وابستہ ہیں۔ سابق صدر پرویز مشرف کے دور میں انہیں مسلم لیگ ن سے وابستگی پر مشکلات کا سامنا بھی کرنا پڑا۔ پارٹی حلقوں میں رفیق رجوانہ ایک مدبر اور سنجیدہ سیاستدان تصور کیے جاتے ہیں۔ وہ حال ہی میں مسلم لیگ ن کے ٹکٹ پر سینیٹر منتخب ہوئے۔

مزید پڑھئے:کاگا سب تن کھائیو‘ چن کھائیو ماس؟

گورنر پنجاب کے عہدے کے لئے تہمنیہ دولتانہ ، ذکیہ شاہنواز ، سعود مجید اور پارٹی کے دیگر اہم رہنماو¿ں کے نام بھی لیے جا رہے تھے تاہم بالاخر قرعہ رفیق رجوانہ کے نام نکل آیا۔