اسلام آباد(مانیٹرنگ ڈیسک)عمران خان کے اثاثوں کی تفصیل تحریک انصاف کی ویب سائٹ پر جاری، بنی گالہ جائیداد کی مالیت ایک کروڑ 14لاکھ 71ہزار روپے ظاہر، ذاتی گاڑی نہیں، 2لاکھ کے مویشی اور 5لاکھ کا فرنیچر کل اثاثہ۔ تفصیلات کے مطابق چیئرمین تحریک انصاف عمران خان کے اثاثوں کی تفصیلات ان کی پارٹی کی ویب سائٹ پر جاری کر دی گئی ہیں جن کے مطابق ان کے اثاثوں کی کل مالیت 3کروڑ 86لاکھ 94ہزار روپے بتائی

گئی ہے۔ جاری کی گئی تفصیلات کے مطابق عمران خان کی بنی گالہ جائیداد کی مالیت 1کروڑ 14لاکھ 71ہزار روپے ہے جبکہ ان کے پاس ایک بھی ذاتی گاڑی نہیں، 2لاکھ کے مویشی اور 5لاکھ کا فرنیچر کل اثاثہ ہیں۔ تحریک انصاف کی ویب سائٹ پر جاری تفصیلات میں بتایا گیا ہے کہ عمران خان نے 2017میں 3لاکھ19ہزارروپے زرعی ٹیکس اداکیا جبکہ گزشتہ سال کی نسبت رواں سال ان کے اثاثو ں میں 23لاکھ روپے کی کمی واقع ہوئی ہے۔