پشاور(نیوزڈیسک)عوامی نیشنل پارٹی کے سینیٹراعظم ہوتی کے انتقال سے خالی ہونے والی سینٹ کی نشست کیلئے انتخابات تیرہ مئی کو ہوں گے جس کیلئے تحریک انصاف کے اعظم سواتی اورجمعیت علماءاسلام کے حاجی غلام علی کے درمیان ون ٹو ون مقابلہ ہوگا۔ 15اپریل کوخیبرپختونخواسے عوامی نیشنل پارٹی کے سینیٹر اعظم ہوتی کے انتقال کے باعث سینٹ میں خالی ہونے والی نشست پرالیکشن کمیشن نے تیرہ مئی کوپولنگ کااعلان کیاسینٹ کی اس نشست کیلئے حکومتی اتحادمیں شامل تحریک انصاف ،جماعت اسلامی اورعوامی جمہوری اتحادکے مشترکہ امیدواراعظم سواتی ہیں جوصوبے میں تحریک انصاف کے صدربھی ہیں جبکہ ان کے مدمقابل جمعیت علماءاسلام کے حاجی غلام علی ہوں گے جن کادعویٰ ہے کہ تمام اپوزیشن جماعتیں ان کی حمایت کرینگی۔ خیبرپختونخوااسمبلی کے 124کے ایوان میں کامیابی کیلئے کسی بھی امیدوارکوسادہ اکثریت یعنی 63ووٹ درکارہونگے۔ ایوان میں تحریک انصاف ،جماعت اسلامی،عوامی جمہوری اتحاداوردوآزاداراکین پرمشتمل حکومتی اتحادکی کل 70نشستیں ہیں ,اپوزیشن اراکین کی تعداد54 ہے۔