راولپنڈی(آئی این پی) تحریک انصاف نے مسلم لیگ (ق)سے سیٹ ایڈجسٹمنٹ کرتے ہوئے مسلم لیگ (ق)کے رہنما راجہ بشارت کو پی پی 14سے ٹکٹ جاری کر دیا۔ جمعہ کوپی پی 14میں تحریک انصاف اور (ق)لیگ میں سیٹ ایڈجسٹمنٹ ہوئی، تحریک انصاف نے اپنے امیدوار ز ید خلیق سے ٹکٹ واپس لے لیا،

تحریک انصاف نے (ق)لیگ کے راجہ بشارت کو پی پی 14سے ٹکٹ جاری کر دیا، راجہ بشارت نے کہا کہ وہ پی ٹی آئی میں شامل نہیں ہوئے بلکہ مسلم لیگ (ق)کی پی ٹی آئی کی سیٹ ایڈجسٹمنٹ سے انہیں یہ سیٹ ملی ہے۔ انہوں نے کہا کہ وہ بلے کے نشان پر الیکشن لڑیں گے ،ٹریکٹر کے نشان پر نہیں لڑیں گے۔