راولپنڈی (آئی این پی) راولپنڈی میں سحری کے وقت ٹرک سے کچل کر دو موٹر سائیکل سوار جاں بحق ہوگئے۔ حادثے کا ذمہ دار ٹرک ڈرائیور فرار ہوگیا۔ پنڈی، اسلام آباد انتظامیہ غائب رہی اور حسب سابق جائے وقوعہ پر فوری نہ پہنچ سکی۔ڈھوک کالاخان ہائی وے کے پاس ٹرک نے دو موٹر سائیکل
سواروں کو روند ڈالا۔ اسلام آباد،راولپنڈی پولیس،انتظامیہ،ڈولفن فورس یا ٹریفک پولیس حدود کے تنازع کے باعث موقع پر نہ پہنچ سکیں۔ یوں مقامی افراد نے کافی وقت گزر جانے کے بعد لاشوں کو اٹھایا۔ سحری میں مصروف تھانہ صادق آباد پولیس تاحال نوجوانوں کی شناخت کا مرحلہ مکمل نہ کرسکی۔
