لاہور(مانیٹرنگ ڈیسک) ٹیکس میں چھوٹ ملنے پر ملک بھر میں سینما گھروں کا طوفان، ایک ساتھ کتنی بڑی تعداد میں جدید ترین سینما گھروں کی تعمیر کا آغاز کردیاگیا؟ حیرت انگیز صورتحال، تفصیلات کے مطابق وفاقی دارالحکومت اسلام آباد، لاہور، کراچی، حیدر آباد، گوجرنوالہ، سیالکوٹ، فیصل آباد اورپشاورمیں 130سینما گھروں کی تعمیر کا آغاز کر دیا گیا ۔ میڈیا رپورٹ کے مطابق قومی فلم پالیسی کے تحت ملک بھر میں

سینما گھروں کی تعمیر پر 26فیصد ٹیکس میں مکمل چھوٹ دی گئی ہے۔پاکستان سینما اونرز ایسوسی ایشن نے وزارت اطلاعات کو تحریری طور پر آگاہ کیا ہے کہ وفاقی حکومت کی موثر کاوشوں سے ملک بھر میں فلم انڈسڑی کو جدید خطوط پراستوار کرنے اور ٹیکس میں رعایت دینے سے فلم انڈسٹری کیساتھ وابستہ افراد کو باعزت روزگارکے مواقع میسر آ رہے ہیں اورپاکستانی فلم سازوں کو اس سے فوائد حاصل ہوں گے۔