پشاور(این این آئی)رمضان المبارک میں شدید گرمی سے پریشان شہریوں کو محکمہ موسمیات نے بڑی خبر سنادی،بارشوں کا نیا سلسلہ پہنچ گیا،کہاں کہاں بارش ہوگی؟شہروں کے نام جاری، تفصیلات کے مطابق محکمہ موسمیات نے آئندہ 24 گھنٹوں کے دوران خیبرپختونخوا اور فاٹا کے بیشتر حصوں میں مزید بارشوں کا امکان ظاہر کیا ہے۔محکمہ موسمیات کے مطابق آئندہ چوبیس گھنٹوں کے دوران

خیبرپختونخوا کے پشاور، مردان، کوہاٹ، ملاکنڈ اور ہزاڑہ ڈویڑن جبکہ فاٹا کی تمام ایجنسیوں میں بارش کا امکان ہے۔یاد رہے کہ گزشتہ شب بھی خیبرپختونخوا اور فاٹا کے بعض علاقوں میں تیز آندھی کے ساتھ موسلا دار بارش ہوئی تھی جس سے موسم خوشگوار ہوگیا۔پشاور میں آج کم سے کم درجہ حرارت 18 جبکہ زیادہ سے زیادہ 33 ڈگری سینٹی گریڈ رہے گا۔