اسلام آباد(نیو زڈیسک)جڑنوالہ کے علاقہ میں بچوں کی لڑائی میں بڑے کود پڑے ،مسلح افراد نے فائرنگ کرکے پیپلز پارٹی کے مقامی رہنما کو قتل کر دیا۔چک نمبر656گ ب کے رہائشی ریلوے کنڈیکٹر اورپیپلز پارٹی کے مقامی رہنماشفاقت علی پپو اورمحمدحبیب کے بچوں کے درمیان دو روز قبل لڑائی ہوگئی تو بیچ بچاﺅ کرواتے ہوئے بچوں کو تھپڑ مارنے پر بڑوں کے درمیان جھگڑا ہو گیا ،تو اہل علاقہ نے بیچ بچاﺅ کروادیا تاہم ملزموں مون ولد خالد،مدثر عرف پپو وغیرہ نے بدلہ لینے کی خاطر آج ریلوے لائن سے ملحقہ ڈھاری پر بیٹھے ہوئے شفاقت علی پپو پر حملہ کرکے فائرنگ کرکے موقع پر ہی مار ڈالا اور فائرنگ کرتے ہوئے فرار ہوگئے ،مقتول کے تایا زاد بھائی صداقت علی کے مطابق مقتول شفاقت چاربیٹیوں اورایک بیٹے کا باپ تھا اور ملزموں نے بچوں کی لڑائی پر قتل کیا ہے ملزم اس سے قبل بھی جرائم کی وارداتوں میں ملوث ہیں ،تھانہ لنڈیانوالہ پولیس نے موقع پر پہنچ کرنعش کو تحویل میں لیکر پوسٹمارٹم کےلئے ہسپتال منتقل کرکے ملزموں کی تلاش شروع کردی ہے ۔