اسلام آباد (این این آئی) وزیرمملکت برائے اطلاعات و نشریات طلال چوہدری نے کہا ہے کہ نواز شریف نے وہی مو قف دیا ہے جو پہلے بھی ریاستی ادارے دیتے رہے ہیں، کیا ملک اور آئین توڑنے والا غدار نہیں۔نجی ٹی وی سے گفتگو کے دوران چیئرمین تحریک انصاف کے بیان پر ردعمل دیتے ہوئے وزیر مملکت طلال چوہدری نے کہا کہ نواز شریف نے وہی مو قف دیا ہے جو پہلے بھی ریاستی ادارے دیتے رہے ہیں،

کیا ملک اور آئین توڑنے والا غدار نہیں۔طلال چوہدری نے کہا کہ کیا ساٹھ ہزار جانوں کے ضیاع اور شہادتوں کا ذمہ دار ملک کا غدار نہیں، افسوس کی بات ہے بات ہے غداراسے کہا جارہے جس نے ایٹمی دھماکا کیا، نااہل اسے کہا جارہا ہے جس نے سی پیک کا تحفہ دیا۔دریں اثناء وفاقی وزیر ریلویز خواجہ سعد رفیق نے کہا ہے کہ بھارت کا غیر منصفانہ ،منتقمانہ اور استحصالی رویہ خطے میں عدم استحکام نفرت اور دہشتگردی کی بڑی وجہ ہے ،امریکہ کی ناکام افغان پالیسی نے افغانستان اور پاکستان کو دہشتگردی کی آگ میں جھونکا اور بھارتی لیڈر شپ نے جلتی پر تیل ڈالنے کا کام کیا ۔ اپنے ایک بیان میں انہوں نے کہا کہ ریاست ریاست پاکستان اپنے قیام سے آج تک بھارت کی جانب سے عدم تحفظ کا شکار ہے ۔ خطے میں امن اور استحکام دونوں ملکوں کی مشترکہ ذمہ داری ہے ۔حجم اور وسائل میں بڑا ہونے کے ناطے بھارت کی ذمہ داری کہیں زیادہ ہے جو ادا نہیں کی گئی ۔ انہوں نے کہا کہ قیام پاکستان سے پاکستان دولخت کرنے اور اب سی پیک میں رکاوٹیں کھڑی کرنے تک بھارت نے پاکستان کو چین سے جینے نہیں دیا۔بھارت کا غیر منصفانہ منتقمانہ اور استحصالی رویہ خطے میں عدم استحکام نفرت اور دہشتگردی کی بڑی وجہ ہے ۔ مسئلہ کشمیر ، آبی وسائل سمیت تمام باہمی مسائل کے منصفانہ حل کے بغیر آگے بڑھنا نا ممکن ہے۔ طلال چوہدری نے کہا ہے کہ نواز شریف نے وہی مو قف دیا ہے جو پہلے بھی ریاستی ادارے دیتے رہے ہیں، کیا ملک اور آئین توڑنے والا غدار نہیں۔