اسلام آباد(مانیٹرنگ ڈیسک)پاکستان میں موجود امریکی سفارتکاروں کی قدر کی جاتی ہے مگر پاکستان کے سفارتکاروں کے ساتھ بہتر سلوک ہونا چاہئے، امید ہے معاملات سلجھائو کی طرف آئیں گے، ان خیالات کا اظہارامریکہ میں تعینات پاکستانی سفیر اعزاز چوہدری نے پاک امریکہ آمنے سامنے کی سفارتی پابندیوں کےتناظر میں کیا۔ ان کا کہنا تھا کہ پا کستان نے
سفارتکاروں کے مسائل کے حل کیلئے میکنزم بنایاہے،پاکستان اورامریکاکی کوشش ہے کہ معاملے کوجلدحل کیا جائے،انہوں نے کہا کہ مسئلے کے حل کیلئے لائحہ عمل کے علاوہ اورکون ساطریقہ ہوسکتاہے؟،آپس میں رابطہ رکھنے سے ہی مسئلہ حل ہوسکتا ہے ،اعزاز چودھری نے کہا کہ پاکستان اورامریکاکو مسئلے کے حل کیلئے سنجیدہ کوشش کرنی چاہئے۔
