اسلام آباد (آئی این پی) ترجمان وزیراعظم آفس نے کہا ہے کہ وزیراعظم قانون کی عملداری پر یقین رکھتے ہیں‘ سپریم کورٹ سے وزیراعظم کو کوئی نوٹس موصول نہیں ہوا‘ کسی مسئلے پر بلائے جانے پر ضرور پیش ہونگے۔ جمعہ کو ترجمان وزیراعظم آفس نے طلبی سے متعلق میڈیا رپورٹس پر
وضاحت کرتے ہوئے کہا کہ سپریم کورٹ سے وزیراعظم کو کوئی نوٹس موصول نہیں ہوا۔ وزیراعظم قانون کی عمل داری پر یقین رکھتے ہیں۔ وزیراعظم عدالتوں کا مکمل احترام کرتے ہیں کسی مسئلے پر بلائے جانے پر ضرور پیش ہونگے۔ اداروں کو آئینی حدود میں رہ کر اختیارات استعمال کرنے چاہئیں۔
