فیصل آباد (مانیٹرنگ ڈیسک)تحریک انصاف نے فیصل آباد کے قلعہ کو فتح کرنے کا مصمم ارادہ کر لیا، ن لیگ ، پیپلزپارٹی اور ق لیگ سے تعلق رکھنے والے 4سابق ایم پی ایز آج عمران خان کو پیارے ہو جائینگے۔ تفصیلات کے مطابق ن لیگ، پیپلزپارٹی اور ق لیگ سے تعلق رکھنے والے 4ایم پی ایز آج تحریک انصاف میں شمولیت کا اعلان کرینگے۔ فیصل آباد تاندلیانوالہ

سے سابق ایم پی اے شاہد خلیل، فیصل آباد جڑانوالہ سے سابق ایم پی اے رائے اعجاز، چنیوٹ سے سابق ایم پی اے علی حسن قاضی، اور ٹوبہ ٹیک سنگھ سے سابق ایم پی اے لیاقت شوکت نے پی ٹی آئی میں شمولیت کا فیصلہ کر لیا ہے۔چاروں سابق ایم پی ایز آج بنی گالا میں عمران خان سے ملاقات کرینگے جس میں وہ تحریک انصاف میں باقاعدہ شمولیت کا اعلان کرینگے۔