اسلام آباد (مانیٹرنگ ڈیسک)مریم نوازکی ساہیوال میں کی گئی تقریر ایک شکست خوردہ تقریر تھی ۔معروف صحافی عامر متین کا دعویٰ ،نجی ٹی وی پروگرام کے دوران  گفتگو کرتے ہوئے ان کا کہنا تھا کہ (ن) لیگ کو اب سمجھ نہیں آرہی کہ ان کے بیانئے اور انتخابات کی حکمت عملی میں کیا فرق ہے؟ مریم نواز صیح گلہ کر رہی تھیں کہ ہمیں میڈیا بھی نہیں دکھا رہا۔عامر متین کا کہنا تھا کہ جو بھی وجوہات تھیں لیکن عمران خان

کی 4 گھنٹے کی تقریر کو پرائم ٹائم میں دکھایا گیا اور تمام چینلز نے کروڑوں کے اشتہار چھوڑ کر عمران خان کی تقریر دکھائی۔پورا پاکستان عمران خان کی تقریر سنتا رہا۔مسلم لیگ (ن)کی اپنی حکومت ہے۔لیکن یہ اپنی ہی حکومت میں اتنے بے بس ہو گئے ہیں کہ پی ٹی وی بھی ان کی تقریر نہیں دکھا رہا تھا۔جب مریم نواز اپنی تقریر میں کہیں گی کہ فوج،عدلیہ اور میڈیا ان کے خلاف ہو گیا ہے تو پھر کون پاگل ان کی تقریر دکھائے گا؟