لاہور(مانیٹرنگ ڈیسک) پاکستان تحریک انصاف کے مرکزی سیکرٹری اطلاعات فواد چوہدری کی جیب کٹ گئی ؟۔ فواد چوہدری جب تقریر کیلئے ڈائس پر آئے تو انہوں نے شرکاء کو بتایا کہ میں تقریر لکھ کر لایا تھا لیکن وہ تو نکل گئی ہے اب میں زبانی تقریر ہی کروں گا۔وزیر اعلیٰ خیبر پختونخواہ پرویز خٹک کی جلسہ گاہ آمد پر بدمزدگی کے باعث کارکنوں کو منتشرکرنے کے لئے لاٹھی چارج کر دیا گیا ۔ وزیر اعلیٰ پرویز خٹک سخت سکیورٹی میں پاکستان تحریک انصاف کے
مینار پاکستان پر منعقدہ جلسے میں شرکت کے لئے پہنچے جہاں داخلی راستے پر کارکنوں کی بڑی تعداد کی جانب سے ان سے ملنے کی کوشش کی گئی تو سکیورٹی اہلکاروں نے کارکنوں کو منتشر کرنے کے لئے لاٹھی چارج کردیا ۔ جس کے بعد وزیر اعلیٰ پرویز خٹک کو سخت سکیورٹی میں اسٹیج پر پہنچایا گیا۔پاکستان تحریک انصاف کے رکن قومی اسمبلی مراد سعید نے پشتو زبان میں خطاب کیا ۔پنڈال میں موجود پشتون شرکاء ان کی تقریر پر بھرپور انداز میں جواب دیتے رہے ۔
