اسلام آباد(مانیٹرنگ ڈیسک) مسلم لیگ (ن)کی حکومت نے وہ کام کردیا جو پاکستان کی تاریخ میں کبھی نہیں ہوا،،مسلم لیگ (ن)کی حکومت نے ملکی تاریخ میں پہلی بار روایات سے ہٹ کر چھٹا بجٹ پیش کیا ۔یہ پہلی مرتبہ ہے کہ مسلم لیگ (ن)کی حکومت اپنی جمہوری مدت پوری کر رہی ہے جبکہ اس سے قبل پیپلز پارٹی کی حکومت نے بھی پہلی مرتبہ اپنی مدت پوری کرکے تاریخ بدلی تھی۔

گزشتہ سال سابق وزیر خزانہ اسحاق ڈار کی جانب سے قومی اسمبلی میں پیش کیا جانے والا 47کھرب 50ارب کا بجٹ مسلم لیگ (ن)کی حکومت کا آخری بجٹ تصور کیا جارہا تھا تاہم حکومت نے پہلی بار روایات سے ہٹ کر اپنی مدت ختم ہونے سے قبل چھٹا بجٹ پیش کردیا۔دریں اثناء وفاقی وزیر خزانہ مفتاح اسماعیل نے کہا ہے کہ بجٹ کے بغیر حکومت ایک دن بھی نہیں چل سکتی، اس کے بغیر حکومت نظم و نسق نہیں چلاسکتیں ٗبجٹ عوام کی امنگوں کا عکاس ہے، حکومت کو تباہ شدہ معیشت ورثے میں ملی تھی، ملک میں سرمایہ کاری اور ترقی کم تھی۔ جمعہ کو قومی اسمبلی میں بجٹ تقریر کا آغاز کرتے ہوئے مفتاح اسماعیل نے کہا کہ بجٹ کے بغیر حکومت ایک دن بھی نہیں چل سکتی ٗاس کے بغیر حکومت نظم و نسق نہیں چلاسکتیں۔وزیر خزانہ نے کہا کہ یہ بجٹ عوام کی امنگوں کا عکاس ہے، حکومت کو تباہ شدہ معیشت ورثے میں ملی تھی، ملک میں سرمایہ کاری اور ترقی کم تھی۔مفتاح اسماعیل نے کہا کہ مئی 2013 میں حکومت آئی اور معیشت کی بہتری کیلئے پروگرام دیا، نوازشریف کی قیادت میں ان چیلنجز کا سامنا کیا، پانچ سالوں میں سخت محنت کی، مشکل فیصلے کیے، ذاتی مفادات کو ترجیح نہیں دی۔وفاقی وزیر خزانہ مفتاح اسماعیل نے کہا ہے کہ کہ شرح نمو میں 5.79 فیصد رہی جو گزشتہ 13 سالوں میں سب سے زیادہ ہے ۔ جمعہ کو وزیر خزانہ نے بجٹ پیش کرتے ہوئے بتایا کہ شرح نمو میں 5.79 فیصد رہی جو گزشتہ 13 سالوں میں سب سے زیادہ ہے، پاکستان تیزی سے ترقی کرنے والے ممالک کی فہرست میں شامل ہو گیا ہے اور آج ملک دنیا 24 ویں بڑی معیشت ہے۔مفتاح اسماعیل نے کہاکہ موجودہ مالی سال میں مارچ تک افراط زر کی شرح 3.8 فیصد رہی،گزشتہ 5 برسوں کے دوران ٹیکس وصولیوں میں غیر معمولی اضافہ ہوا۔

موضوعات:چھٹا بجٹ