اسلام آباد (مانیٹرنگ ڈیسک) سینئر صحافی رؤف کلاسرا ایک نجی ٹی وی چینل کے پروگرام میں وزیراعلیٰ پنجاب میاں شہبازشریف کے داماد عمران علی کی جائیداد سے متعلق حیران کن تفصیلات سامنے لے آئے، سینئر صحافی نے گفتگو کرتے ہوئے کہا کہ شہباز شریف کا داماد بننے سے پہلے 2003ء میں عمران علی کے والد کی شاہ عالمی مارکیٹ میں دو دکانیں تھیں اور عمران علی

جب شہباز شریف کے داماد بن گئے تو اس کے بعد ان کے تین شاپنگ پلازہ بن گئے اور ایک بائیس منزلہ علی ٹریڈ سینٹر بھی ہے، انہوں نے مزید کہا کہ عمران علی 20 منزلہ علی ٹاور اور حسین کمپلیکس کے بھی مالک ہیں، سینئر صحافی نے کہا کہ ایسا لگتا ہے کہ پاکستان بنا ہی ان جیسے لوگوں کے لیے ہے، انہوں نے کہا کہ صرف تین دکانیں رکھنے والے اب تین پلازوں کے مالک بن چکے ہیں۔