اسلام آباد (مانیٹرنگ ڈیسک)ن لیگ کے جنوبی پنجاب کے ارکان قومی اسمبلی کے استعفےٰصرف اعلانات تک ہی محدود، سپیکر قومی اسمبلی ایاز صادق کی جانب سے استعفوں کی تصدیق کیلئے دوسری بار بھی طلب کئے جانے پر پیش نہ ہوئے۔ تفصیلات کے مطابق ن لیگ کے جنوبی پنجاب کے ارکان قومی اسمبلی کے استعفےٰصرف اعلانات تک ہی محدود، سپیکر قومی اسمبلی ایاز صادق کی جانب سے استعفوں کی تصدیق کیلئے دوسری بار بھی طلب کئے جانے پر پیش نہ ہوئے۔ جمعہ کو سپیکر قومی اسمبلی سردار ایاز صادق نے استعفوں
کا اعلان کرنے والے مسلم لیگ (ن) کے اراکین خسرو بختیار، ناصر بخاری، طاہر بشیر چیمہ اور رانا قاسم نون کو فرداً فرداً استعفوں کی تصدیق کے لئے صبح ساڑھے دس بجے سے ایک بجے تک قومی اسمبلی سیکریٹریٹ میں آ کر اپنے استعفوں کی تصدیق کے لئے پیش ہونے کا وقت دیا تھا تاہم سپیکر قومی اسمبلی اور سیکرٹری قومی اسمبلی سمیت دیگر عملہ ان ارکان کا ایک بجے تک انتظار کرتے رہے تاہم یہ اراکین پیش نہ ہوئے۔واضح رہے کہ اس سے قبل بھی ان اراکین کو اپنے استعفوں کی تصدیق کے لئے طلب کیا جا چکا ہے۔
