کراچی(آن لائن) پیپلزپارٹی کے سینئر رہنما ڈاکٹر عاصم حسین نے انتخابات میں حصہ نہ لینے کا اعلان کردیا ملکی صورتحال کی وجہ سے انتخابات میں حصہ نہیں لوں گا جو حالات ہیں لگتا ہے کہ ملک ایک لاش بن چکا ہے جسے 20 کروڑ عوام کندھے پر لئے گھوم رہے ہیں تفصیلات کے مطابق گزشتہ روز کراچی میں احتساب عدالت کے باہر صحافیوں سے گفتگو کرتے ہوئے پیپلزپارٹی کے رہنما ڈاکٹر عاصم نے کہا کہ

ملکی صورتحال کی وجہ سے انتخابات میں حصہ نہیں لوں گا ایسے حالات میں میں نہیں سمجھتا کہ الیکشن لڑکر بہتری لاسکتا ہوں انہوں نے کہا کہ ایسے لگتا ہے کہ ملک ایک لاش بن چکا ہے جو ملک 20کروڑ عوام کندھے پر اٹھائے گھوم پھر رہے ہیں ڈاکٹر عاصم حسین نے افسوس کا اظہار کرتے ہوئے کہا کہ بدقسمتی سے موجودہ صورتحال کے ذمہ دار سیاستدانوں کے ساتھ ساتھ عوام بھی برابر کے شریک ہیں ۔