کراچی (این این آئی) مسلم لیگ( ن ) کے صدر اور وزیر اعلیٰ پنجاب میاں محمد شہباز شریف نے اپنے دبنگ متوالے شیر کو وزن کم کرنے کا مشورہ دے دیا۔ تفصیلات کے مطابق ہفتہ کو گور نر ہاؤس میں پارٹی عہدیدارن سے ملاقات کے موقع پر میاں محمد شہباز شریف نے بھی کھیل داس کوہستانی کو وزن کم کرنے کا مشورہ دے دیا اس سے قبل مسلم لیگ ( ن) کے قائد میاں محمد نواز شریف بھی کھیل داس کوہستانی کو وزن کرنے کا کہہ چکے ہیں۔کھیل داس کوہستانی اجلاس میں بولنے لگے تو شہباز شریف

کو متوالے شیر کا وزن پسند نہیں آیا۔ شہباز شریف نے کہا کہ میاں صاحب نے آپکو وزن کم کرنے کا کہا تھا لیکن اتنا آپ کا وزن کم نہیں ہوا۔آپ نے قائد کی ہدایات پر وزن کم نہیں کیا ۔جس پر کھیل داس کوہستانی نے کہا کہ میں نے15 کلو گرام وزن کم کیا ہے پھر شہباز شریف نے کہا کہ 30 کلو گرام تک وزن کم کرنا ہوگااور بھی وزن کم کرو ورنہ میں آپکو دوڑاکر وزن کم کرائوں گا۔جس پرمتوالے شیر کھیل داس نے واک تیز کرنے اور وزن کم کرنے کی پارٹی صدر کو یقین دہانی کرادی۔