شام پر امریکی حملے کے بعد بشار الاسد سے متعلق خبر نے ہلچل مچا دی کہاں اور کس حال میں ہیں؟ویڈیو منظر عام پر آگئی

14 اپریل‬‮ 2018 |

اسلام آباد(مانیٹرنگ ڈیسک)شام میں امریکی اور اتحادیوں کے میزائل اور فضائی حملوں کے بعد شام کے ڈکٹیٹر بشار رالاسد کی ویڈیو جاری کر دی گئی ۔ تفصیلات کے مطابق شام میں امریکی اور اتحادیوں کے میزائل اور فضائی حملوں کے بعد شام کے ڈکٹیٹر بشار رالاسد کی ویڈیو جاری کر دی گئی ہے جس میں انہیں ہشاش بشاش انداز میں اپنے دفتر آتے ہوئے دیکھا جا سکتا ہے۔

بشارالاسد اس ویڈیو میں انتہائی پراعتماد نظر آرہے ہیں اور کسی بھی پہلو سے گمان نہیں گزرتا کہ انہیں امریکی حملے کی وجہ سے کسی قسم کی پریشانی کا سامنا کرنا پڑا ہو۔ بشار الاسد کی یہ ویڈیو شامی صدارتی محل کی جانب سے جاری کی گئی ہے۔ امریکہ ، برطانیہ اور فرانس کی جانب سے شام پر جمعہ اور ہفتہ کی درمیانی شب میزائل حملہ کیا گیا ہے جس کے نتیجے میں بڑے پیمانے پر دمشق میں تباہی پھیلی ہے تاہم اس حملے میں ہونے والی ہلاکتوں کی تعداد کے بارے میں کوئی اعدادو شمار منظر عام پر نہیں آئے. امریکی اتحاد کی جانب سے دعویٰ کیا گیا ہے کہ انہوں نے دمشق میں قائم سائنسی لیبارٹری اور کیمیکل ہتھیار تیار کرنے والی فیکٹری پر حملہ کیا ہے تاہم دمشق کے شہریوں کی جانب سے اس کارروائی کے خلاف بھرپور احتجاج کیا گیا ہے. شامی شہریوں نے دارالحکومت میں کار ریلی نکالی اور امریکہ مخالف نعرے بازی کی .اضح رہے کہ گزشتہ سال 2017 میں امریکہ کی جانب سے شام پر 59 میزائل داغے گئے تھے جبکہ گزشتہ رات 120 کے قریب میزائل داغے ہیں. امریکی ، برطانوی یا فرانسیسی حکام کی جانب سے میزائلوں کی تعداد کے بارے میں واضح طور پر نہیں بتایا گیا تاہم بعض چینلز کا دعویٰ ہے کہ 100 جبکہ بعض کا ماننا ہے کہ امریکی اتحاد نے شام پر 30 میزائل داغے۔دوسری جانب برطانوی وزیراعظم نے پریس کانفرنس میں کہا ہے کہ شام میں کئے گئے حملے سے مقررہ اہداف حاصل کر لئے گئے ہیں، برطانیہ سمیت مہذب دنیا کسی بھی صورت معصوم شہریوں پر کیمائی حملوں کی اجازت نہیں دیگی۔