اسلام آباد/لاہور( این این آئی)پاکستان مسلم لیگ (ن) کی مرکزی رہنما مریم نواز نے کہا ہے کہ جرح سے ثابت ہوا کہ سچ کو جان بوجھ کر چھپایا گیا، جے آئی ٹی کی جانب سے پہلے سے طے شدہ رپورٹ جمع کروائی گئی جو شرمناک ہے،
بھائی کو بھائی سے لڑانے کی سازش پہلے بھی ناکام ہوئی اوراب بھی ایسا ہی ہوگا، یہ وہ لوگ ہیں جو ووٹ کے ذریعے جیت نہیں سکتے اور منتخب نمائندوں سے نا اہل کراتے ہیں۔ان خیالات کا اظہار انہوں نے احتساب عدالت میں پیشی کے موقع پر میڈیا سے گفتگو اور سوشل میڈیا پر جاری اپنے بیان میں کیا ۔ مریم نواز نے کہا کہ سازشیں کرنے والے کو ہرجگہ سازشیں ہی نظر آتی ہیں ،جن سے سیاسی طور پر مقابلہ نہیں کرسکتے، ووٹ کے ذریعے جیت نہیں سکتے انہیں عدالتوں سے نااہل کراتے ہیں۔مخالفین بھائی کو بھائی سے لڑانے کی سازش کر رہے ہیں لیکن یہ سازش پہلے بھی ناکام ہوئی اور اب بھی ایسا ہی ہوگا۔ مریم نواز کا کہنا تھا کہ خواجہ حارث کی واجد ضیا پر کی جانے والی جرح سے ثابت ہوگیا کہ جے آئی ٹی کی جانب سے پہلے سے طے شدہ رپورٹ جمع کروائی اور جان بوجھ کر سچ کو چھپایا، یہ ایک شرمناک عمل تھا، اس سے ثابت ہوا کہ نوازشریف سچا تھا۔کہ جے آئی ٹی کی جانب سے پہلے سے طے شدہ رپورٹ جمع کروائی اور جان بوجھ کر سچ کو چھپایا، یہ ایک شرمناک عمل تھا، اس سے ثابت ہوا کہ نوازشریف سچا تھا
