اسلام آباد(نیوز ڈیسک) عام انتخابات 2013ءکی تحقیقات کرنے والے جوڈیشل کمیشن نے گزشتہ روز سماعت بارے تحریری فیصلہ جاری کیا ہے جس میں کہا گیا ہے کہ ایم کیو ایم تحریک انصاف ، بلوچستان نیشنل پارٹی ، پیپلز مسلم لیگ اور ایم ڈی ایم اور مسلم لیگ (ق) نے تین سوالوں کے جوابات دے دیئے ہیں ۔اور یہ جوابات مناسب موقع پر ان کا جائزہ لیا جائے گا ۔الیکشن کمیشن کے نمائندے نے اس بات کا حلف لیا کہ وہ درخواست گزاروں کے دو دن میں جواب داخل کردیگا پیپلز مسلم لیگ کی جانب سے پاکستان پیپلز پارٹی پر لگائے گئے الزامات بارے جواب پر اعتزاز احسن اور سردار لطیف کھوسہ نے عدالت سے کہا کہ وہ ان الزامات کا دو روز میں جواب داخل کردینگے ۔ کمیشن نے اپنے تحریری حکمنامہ میں مزید کہا ہے کہ سیاسی جماعتوں کے وکلاءسے باہمی گفت و شنید کے بعد یہ فیصلہ کیا گیا ہے کہ سیاسی جماعتیں اپنے گواہوں کے ازخود حلف کے تحت ریکارڈ کے تحت ڈاکومنٹ پیش کرکے ان کا جائزہ لے گی وہ ایک فہرست بھی پیش کرے گی جس پر کمیشن ان کو طلب کریگا ان کی جانب سے تفصیلی بیانات کا جائزہ لینے کا بھی فیصلہ کیا گیا ہے پاکستان تحریک انصاف اپنے گواہوں کی فہرست جمع کرائے گا تاکہ انہیں چھ مئی کیلئے سمن جاری کیا جاسکے انہیں اپنے یہ گواہ ساڑھے گیارہ بجے پانچ مئی کو پیش کرنا ہونگے چوہدری اعتزاز احسن نے کہا کہ وہ نہ تو کوئی اضافی ڈاکومنٹس فائل کرنا چاہتے ہیں اور نہ ہی وہ کوئی گواہ پیش کرینگے وہ تحریک انصاف کی جانب سے پیش کئے گئے جواب اور گواہوں کی فہرست پر انحصار کرینگے مذکورہ کونسل نے ووٹرز کے بیگز کھولنے کیلئے تجویز پیش کی ہے جس سے دھاندلی کا پتہ چلایا جاسکتا ہے اعتزاز احسن سے کہا گیا ہے کہ وہ ان حلقوں کی فہرست دے جن کے جیتنے والے امیدواروں کو نوٹس جاری کئے جاسکیں مزید سماعت پانچ مئی کو صبح ساڑھے گیارہ بجے ہوگی ۔