اسلام آباد(مانیٹرنگ ڈیسک) وزیر خارجہ خواجہ آصف پر گزشتہ رات  ورکرز کنونشن کے دوران ایک شخص نے سیاہی پھینک دی تھی۔جس کے بعد ہر سیاسی جماعت کی طرف سے اس عمل کی مذمت کی گئی۔اسی طرح پاکستان تحریک انصاف کی آفیشل ویب سائٹ نے بھی اس متعلق ایک پیغام جاری کیا جس میں لکھا گیا ہے کہ سیاہی کی بوتل پھینکنے کی بجائے ایک قطرہ سیا ہی

کا انگوٹھے پر لگائیں ۔اور ووٹ کا درست استعمال کریں اور یہی اصل جمہوری طریقہ ہے۔ بحیثت مہذب معاشرے ہماری اخلاقی اقدار ہمیں اس طرح کرنے کی اجازت نہیں دیتی۔پی ٹی آئی آفیشل سوشل میڈیا ٹیم ایسی نازیبا حرکتوں کی شدید مذمت کرتی ہے۔واضح رہے کہ آج لاہور میں جامعہ نعیمیہ میں سابق وزیر اعظم میاں نوازشریف پرایک شخص کی جانب سے جوتا پھینکا گیا ہے ۔