لاہور (مانیٹرنگ ڈیسک) جیسے جیسے انتخابات قریب آتے جا رہے ہیں اسی طرح سیاسی رہنماؤں کا ایک پارٹی کو چھوڑ کر دوسری میں جانے کا سلسلہ بھی جاری ہے۔ ایک نجی ٹی وی چینل کی رپورٹ کے مطابق تحریک انصاف نے پیپلز پارٹی کی ایک اہم وکٹ حاصل کر لی ہے، پیپلز پارٹی کے ٹکٹ ہولڈر شکیل شاہد نے جن
کا تعلق فیصل آباد سے ہے تحریک انصاف میں شمولیت اختیار کرنے پر رضا مندی کا اظہار کیا ہے۔ تحریک انصاف کے چیئرمین عمران خان کے دورہ فیصل آباد کے دوران وہ باقاعدہ تحریک انصاف میں شمولیت کا اعلان کر دیں گے، واضح رہے کہ شکیل شاہد ناظم رہ چکے ہیں اور سابق ایم پی اے ریاض شاہد کے بیٹے ہیں۔
