لاہور(آئی این پی ) پاکستان پیپلزپارٹی کے رہنما سینیٹر اعتزاز احسن نے کہا ہے کہ سینیٹر سلیم مانڈوی والا چئیرمین سینیٹ کیلئے ہمارے سرفہرست امیدوار ہیں،عدالت نے شریف خاندان سے ثبوت مانگے تھے جو تاحال پیش نہیں کئے گئے، ۔تفصیلات کے مطابق سپریم کورٹ لاہور رجسٹری کے باہر میڈیا سے گفتگو کرتے ہوئے پیپلز پارٹی کے رہنما اعتزاز احسن نے آصف علی زرداری اور بلاول بھٹو کے درمیان اختلافات کی تردید کی اور کہا کہ آج عدالت کو

کھل کر برا بھلا کہا جارہا ہے،عدالت نے شریف خاندان سے ثبوت مانگے تھے جو تاحال پیش نہیں کئے گئے۔ انہوں نے کہا کہ آج کل نوے کی دہائی میں سپریم کورٹ پر حملہ کرنے والے پنجاب ہا ئو س میں ٹھہرے ہوئے ہیں ،انہیں نوازشریف اور شہبازشریف نے بریانی کھلائی تھی۔رہنما پیپلزپارٹی نے واضح کیا کہ چیئرمین سینیٹ کیلئی پیپلزپارٹی کے امیدوارں میں سر فہرست سلیم مانڈوی والا ہیں اور مجھے امید ہے کہ وہ چیئرمین سینیٹ کے لئے کامیاب ہوجائیں گے۔