لاہور(مانیٹرنگ ڈیسک)سپریم کورٹ لاہور رجسٹری میں پیراگون سٹی کے معاملے پر سماعت آج ہو گی، وزیر ریلوے خواجہ سعد رفیق 3 گھنٹے سے سپریم کورٹ لاہور رجسٹری میں موجود ہیں تاحال مقدمے کی سماعت شروع نہیں ہو سکی۔نجی ٹی وی کے مطابق سپریم کورٹ کے فل بنچ نے پیراگون سٹی
کے معاملہ پروزیر ریلوے خواجہ سعدرفیق کوآج طلب کررکھاہے اور کمرہ عدالت میں مختلف مقدمات کی سماعت جاری ہے۔وزیر ریلوے خواجہ سعد رفیق صبح ساڑھے 9 بجے سے کورٹ روم نمبر ایک میں موجود ہیں اور کیس کی باری کاانتظارکر رہے ہیں مگر ابھی تک ان کے کیس کی باری نہیں آئی۔
