اسلام آباد (مانیٹرنگ ڈیسک)پنجاب کی بڑی نجی ہائوسنگ سوسائٹی میں احد چیمہ کے پارٹنر ہونے کا انکشاف۔ تفصیلات کے مطابق انکشاف سامنے آیا ہے کہ سابق ڈی جی ایل ڈی اے احد خان چیمہ کے بارے میں انکشاف ہوا ہے کہ ان کی الحرم سٹی پراجیکٹ میں پارٹنرشپ ہے۔نیب ذرائع کا کہنا ہے کہ لاہور میں الحرم سٹی بھی احد چیمہ کی ملکیت ہے،

انہوں نے دو پارٹنرز کے ساتھ مل کر یہ پراجیکٹ بنایا تھا۔نیب ذرائع کے مطابق احد چیمہ اس میں 40 کروڑ روپے کے حصہ دار ہیں جبکہ دوسرے پارٹنر پیراگون کے چیف ایگزیکٹو ندیم ضیا ہیں۔ احد چیمہ نے چیئرمین ایل ڈی اے کی حیثیت سے اس سوسائٹی کی منظوری دی تھی۔ نیب نے احد چیمہ سے متعلق مزید معاملات کی تصدیق کے لئے اداروں سے ریکارڈ مانگا ہے۔