اسلام آباد (سی پی پی )اسلام آباد میں تھانہ گولڑہ کے علاقے میں 12 سال کی بچی کو مبینہ زیادتی کے بعد قتل کردیا گیا۔ لواحقین اور اہل علاقہ سراپا احتجاج بن گئے ۔تفصیلات کے مطابق واقعہ تھانہ گولڑہ کی حدود میں میرا جعفر کی کچی آبادی میں پیش آیا۔ بچی کی لاش کچی آبادی میں ایک خالی جھگی سے ملی۔
لاش کو پوسٹ مارٹم کے لیے ہسپتال منتقل کردیا گیا۔بچی کے لواحقین اور اہل علاقہ نے واقعے کے خلاف احتجاج کیا اور ٹائرجلا کر گولڑہ چوک کو بند کردیا۔لواحقین کا کہنا ہے کہ بچی کو زیادتی کے بعد قتل کیا گیا اور پولیس اہلکار بچی کی لاش زبردستی لیکر چلے گئے۔
