اسلام آباد(مانیٹرنگ ڈیسک) مسلم لیگ ضیاء کے سربراہ اعجاز الحق نے کہا ہے کہ سپریم کورٹ کا نہال ہاشمی کے متعلق نوٹس متوقع تھا کیونکہ سوشل میڈیا اس حوالے سے متحرک تھی، اداروں کے خلاف محاذ آرائی کا ایک رواج بنتا جا رہا ہے جو ملکی مستقبل کے لئے خطر ناک ہے بدھ کے روز نجی ٹی وی ک وانٹر ویو دیتے ہوئے انہوں نے کہا کہ نہال ہاشمی نے جیل کاٹی اور باہر آ کر پھر وہی باتیں کی جس انداز میں انہوں نے بات کی
اگر اس پر نوٹس لیا گیا تو ہمارے معاشرے میں رواج بنے گا۔ انہوں نے مزید کہا ہے کہ مسلم لیگ ن اور پیپلز پارٹی سینیٹ چےئر مین شب پر صرف نمبر بڑھانے کے لئے بات کر رہی ہے ۔ سینٹ الیکشن نے فاٹا اور آزاد اراکین کی قدر مزید بڑھا دی چےئر مین سینٹ ن لیگ یا پیپلز پارٹی سے بنے گا لیکن اہم بات یہ کہ کون چےئر مین سینیٹ بن جائے گا۔ ان کا مزید کہنا تھا کہ اتحادی اگر اتحادی رہے تو مسلم لیگ ن کو کوئی مشکل نہیں ۔
