اسلام آباد (مانیٹرنگ ڈیسک)لیبیا میں وحشیانہ قتل کے لرزہ خیز واقعہ، وحشی شخص نے مطلقہ بیوی کو قتل کرنے کے بعد لاش کے ٹکڑے کر کے کتوں کے آگے ڈال دئیے، کتے کے منہ میں انسانی پنڈلی دیکھ کر اہل علاقہ نے سکیورٹی حکام کو اطلاع دی جنہوں نے ایک مکان پر چھاپہ مار کر خاتون کے سابق شوہر کو گرفتار کر لیا۔ تفصیلات کے مطابق لیبیا میں وحشیانہ قتل کے لرزہ خیز واقعہ
نے سب کودہلا کر رکھ دیا ہے۔ العربیہ ویب سائٹ کے مطابق لیبیا میں وحشی شخص نے مطلقہ بیوی کو قتل کرنے کے بعد لاش کے ٹکڑے کر کے کتوں کے آگے ڈال دئیے۔ معاملہ تب سامنے آیا جب ایک کتا منہ میں انسانی پنڈلی لیکر اچانک لوگوں کے سامنے آگیا ۔ انسانی پنڈلی کتنے کے منہ میں دیکھ کر لوگوں نے فوراََ سکیورٹی حکام کو اطلاع دی جنہوں نے ایک مکان سے خاتون کے سابق شوہر کو گرفتار کر لیا ہے۔ لیبیا کے ذرائع ابلاغ کے مطابق واقعہ گذشتہ ہفتے طرابلس کے مغرب میں پیش آیا۔ اطلاعات کے مطابق ایک گھر کے قریب سے ایک کتے کو انسانی پنڈلی اٹھائے دیکھا گیا جس کے بعد اہل علاقہ حرکت میں آئے اور انہوں نے سیکیورٹی حکام کو اس بارے میں آگاہ کیا۔ پولیس نے ایک مشکوک مکان پرچھاپہ مار کرا بو بکرخلیفہ احمد نامی ایک شخص کو حراست میں لے لیا۔ اس کے گھر سے انسانی گوشت کے کچھ ٹکڑے ملے جو اس کی گرفتاری کا موجب بنے۔مجرم نے پولیس کے سامنے اقرار جرم کیا اور کہا کہ اس نے خانگی جھگڑے پر پہلے بیوی طلاق دے تھی، بعد ازاں اسے قتل کرکے اس کے ٹکڑے ٹکڑے کردیے۔مجرم نے بتایا کہ اس نے بیوی کو غسل خانے میں بند کرکے ذبح کیا جس کے بعد اس کے ٹکڑے ٹکڑے کرکے لاش کتوں کےآگے ڈال دی۔ اس نے کہا کہ جب وہ میری بیوی تھی تو اس نے مجھ سے خیانت کا ارتکاب کیا تھا۔
