اسلام آباد(مانیٹرنگ ڈیسک)مریم نواز کے 24فروری کو سرگودھا میں کنونشن سے خطاب کی تیاریاں جاری ہیں اور اس سلسلے میں شہر بھر میں مریم نوازکی سرگودھا آمد کے موقع پر خیرمقدمی بینرز اور پینا فلیکس بورڈ آویزاں کئے جا رہے ہیں۔ مریم نواز کے پنجاب کے مختلف علاقوں میں طوفانی دوروں نے جہاں مخالفین کی نیندیں

حرام کر رکھی ہیں وہیں ن لیگ میں بھی ان کے دوروں کے حوالے سے دھڑے بندی سامنے آئی ہے۔ سرگودھا میں مریم نواز کی تصویر والے بینر پر کالی سیاہی سے حمزہ لکھ دیا گیا ہے ۔ یہ حرکت کرنے والے افراد تو سامنے نہیں آسکے تاہم مقامی سطح پر صحافتی حلقے اسے ن لیگ میں واضح طور پر دھڑے بندی قرار دے رہے ہیں۔