اسلام آباد (مانیٹرنگ ڈیسک)فیصل آباد میں دلخراش واقعہ، پیر محل کا نوجوان والد کی لاش قبر سے نکال کر گھر لے آیا۔ تفصیلات کے مطابق فیصل آباد کے علاقے پیر محل میں ایک نہایت دلخراش اور انوکھا واقعہ دیکھنے میں آیا ہے جہاں ایک نوجوان اپنے والد کی لاش قبر سے نکال کر گھر لے آیا ۔ نوجوان کے والد کی وفات

6ماہ قبل ہوئی تھی۔ تصور نامی نوجوان کا والد کی لاش قبر سے نکال کر گھر لانے پر کہنا تھا کہ اس کو اپنے والد کی بہت یاد آ رہی تھی جس کے بعد وہ اپنے والد کی لاش قبر سے نکال کر گھر لے آیا۔ واقعہ کی اطلاع ملتے ہی پولیس فوری طور پر تصور کے گھر پہنچ گئی اور اس کو گرفتار کر تے ہوئے اس پر مقدمہ درج کر لیا ہے۔