اسلا م آباد(سی پی پی) سابق وزیراعظم نوازشریف نے نیب ریفرنسز میں حاضری سے استثنیٰ نہ ملنے کے باوجود ہر حال میں لندن جانے کا فیصلہ کر لیا اور ان کی لندن روانگی کے پروگرام کو حتمی شکل دے دی گئی ہے۔نجی ٹی وی کے مطابق سابق وزیراعظم نوازشریف احتساب عدالت میں پیشی کے بعد کل یا پرسوں لندن جائیں گے۔فیملی

ذرائع کا کہناہے کہ کلثوم نواز کی 6 کیموتھراپی ہو چکی ہیں،ڈاکٹر نے اجازت دی تو نوازشریف اہلیہ کو واپس لائیں گے ، ذرائع نے بتایا کہ نواز شریف نیب ریفرنس میں اگلی پیشی سے ایک دن پہلے واپس آجائیں گے۔واضح رہے کہ شریف فیملی نے نیب ریفرنسز میں 24 فروری سے 2 ہفتے کیلئے حاضری سے استثنی کی درخواست دائر کررکھی تھی جو عدالت نے مسترد کردی ہیں ۔