پشاور (این این آئی)جمعیت علمائے اسلام (ف) کے سربراہ فضل الرحمان نے سڑکوں پر نکلنے کے عمران خان کے بیان پر ردعمل کا اظہار کرتے ہوئے کہا ہے کہ جج کو فریق بنانا قومی سطح کا جرم ہے ۔ نجی ٹی وی کے مطابق انہوں نے کہا کہ جج کی رائے اور فیصلے سے اختلاف کیا جا سکتا ہے،
تاہم آپ جج کی حمایت یا مخالفت میں مظاہروں کیلئے نہیں نکل سکتے۔مولانا فضل الرحمان نے کہاکہ اب سیاستدانوں کو عدالتوں میں گھسیٹا جا رہا ہے، پھر تو ججوں کو سڑکوں پر گھسیٹا جائے گا۔جے یو آئی (ف) کے امیر نے کہا کہ جس شخص کو سیاسی اقدار کا پتہ نہ ہووہ اس قسم کی باتیں کرتاہے۔
