اسلام آباد (مانیٹرنگ ڈیسک) عمران خان کی بشریٰ بی بی سے تیسری شادی کی خبر گزشتہ روز پاکستان سمیت انٹرنیشنل میڈیا پر بھی ٹاپ سٹوری کے طور پر سامنے آئی۔ عمران خان نے آج کے روز اپنی تمام سیاسی مصروفیات ترک کر دی ہیں اور وہ اپنی نئی اہلیہ بشری بی بی کے ہمراہ اس وقت بنی گالہ اسلام آباد میں موجود ہیں ۔ ذرائع
نے دعویٰ کیا ہے کہ عمران خان کی اہلیہ بشریٰ بی بی اپنے دوسرے خاوند عمران خان کے ہمراہ ان کی بنی گالہ رہائش گاہ میں ہی قیام کرینگی جبکہ ان کے بچے ان کے پہلے شوہر کے ساتھ ہی رہیں گے۔ بتایا جا رہا ہے کہ بشریٰ بی بی تحریک انصاف کی کسی سیاسی سرگرمی میں حصہ نہیں لیں گی اور ایک غیر سیاسی گھریلو زندگی گزاریں گی۔
