قصور(مانیٹرنگ ڈیسک) تحریک انصاف میں تبدیلی دور دور تک نہیں آ رہی ہے،اہم حلقے سے تحریک انصاف کے امیدوار قومی اسمبلی نے پارٹی سے علیحدگی کا اعلان کردیا،امیدوار این اے 139میاں فاروق احمد انصاری نے میڈیا سے خصوصی گفتگو کرتے ہوئے کہا کہ میرا آج کے بعد پاکستان تحریک انصاف کے ساتھ کوئی تعلق واسطہ نہ ہے کیوں کہ تحریک انصاف میں وہی جاگیردارانہ نظام ہے اور اس میں تبدیلی دور دور تک نہیں آ رہی اس جماعت میں ورکروں کے لیے کوئی جگہ نہ ہے اور

ورکروں کے ساتھ نا انصافی اور زیادتی معمول ہے ،ہم نے تحریک انصاف میں تبدیلی کے پیش نظر شمولیت اختیار کی تھی لیکن صد افسوس آج قصور میں اقتدار کی ہوس کے مارے جاگیر دار و سرمایہ دار لوٹا مافیا نے اپنے باس المعروف اے ٹی ایم مشین کی ایماء پر اس تبدیلی کے نظریہ کو ہمیشہ کے لیے بے موت مار کر دفن کر دیا ہے ،انہوں نے کہا کہ میں نے یہ فیصلہ تحریک انصاف کے چیئرمین عمران خاں کی رہائش گاہ بنی گالا اسلام آباد میں عمران خان کے ساتھ میٹنگ کے دوران کیا ۔