لاہور (مانیٹرنگ ڈیسک)معروف صحافی سمیع ابراہیم نے کہا ہے کہ نواز شریف کو پنجاب پولیس نہیں بلکہ رینجرز گرفتار کرے گی۔ نجی ٹی وی کے پروگرام میں گفتگو کرتے ہوئے سمیع ابراہیم نے کہا کہ اگر نیب کی عدالت نواز شریف اور ان کی صاحبزادی مریم نواز اور داماد کیپٹن صفدر (ر) کو سزا سنائے گی تو سوال یہ پیدا ہوتا ہے کہ نواز شریف کو گرفتار کون کرے گا کیونکہ پنجاب کی پولیس نے نواز شریف کو گرفتار کرنے سے انکار
کر دیا ہےاور کہا ہے کہ ان میں اتنی ہمت نہیں کہ وہ نواز شریف کو گرفتار کریں۔ اس لئے نواز شریف کو گرفتار کرنے کے لئے رینجرز کو بلانا پڑے گا۔کیونکہ اور کسی میں اتنی ہمت نہیں کہ وہ نواز شریف کو گرفتار کر کے لے جائیں اور اگر رینجرزا نواز شریف کو گرفتار کریں گے تو پھر انہیں ایک عام قیدی وین میں لے کر جائے گا۔ممکنہ طور پر انہیں اڈیالہ جیل منتقل کیا جائیگااور مریم نواز کو بھی اس جگہ رکھا جائے گا۔
