اسلام آباد (مانیٹرنگ ڈیسک) چیئرمین تحریک انصاف عمران خان بلا شبہ پاکستان کی تاریخ کے معروف ترین سیاستدان کے طور پر ابھر کر سامنے آئے ہیں۔ عمران خان کی وجہ شہرت کرکٹ بنی اور پھر 1992کا ورلڈ کپ جیتنے کے بعد عمران خان شہرت کی بلندیوں تک پہنچ گئے، ورلڈ کپ جیتنے کے بعد عمران خان نے اپنی والدہ شوکت خانم کے نام پر پاکستان جیسے ترقی پذیر ملک میں
ایک بڑا کینسر ہسپتال بنانے کا اعلان کر دیا۔ عمران خان کے اس اعلان کو دیوانے کا خواب قرار دیا گیا مگر عمران خان اپنے اس خواب کو شرمندہ تعبیر کرنے کیلئے پاکستانی عوام کے پاس جا پہنچے اور پاکستانی عوام نے دل کھول کر اپنے اس ہیرو کی مدد کی اور عمران خان لاہور میں شوکت خانم کینسر میموریل ہسپتال بنانے میں کامیاب ہو گئے، عمران خان کی اگلی منزل سیاست ٹھہری اور عمران خان نے تحریک انصاف کے نام سے ایک سیاسی جماعت کھڑی کر دی، سیاست کی پرپیچ راہداریوں میں جگہ جگہ نشیب و فراز آئے مگر عمران خان آگے بڑھتے چلے گئے اور پھر وہ وقت بھی آیا کہ تحریک انصاف نے پاکستانی عوام کے دلوں میں گھر کر لیا۔ بڑی بڑی سیاسی جماعتوں کو پچھاڑ کر جب 2013کے الیکشن میں تحریک انصاف تیسری بڑی جماعت بن کر ابھری تو کوئی یقین کرنے کیلئے تیار ہی نہیں تھا کہ عمران خان کی تحریک انصاف خیبرپختونخواہ میں حکومت بنائے گی۔ نمل یونیورسٹی عمران خان کے خوابوں کا ایک ستارہ ٹھہری اور اب عمران خان اپنی مضبوط سیاسی جماعت تحریک انصاف کے ساتھ 2018کے ملکی تاریخ کے انتہائی اہم الیکشن میں اترنے کیلئے تیار ہیں۔ عمران خان کی زندگی کے بارے میں وہ مختلف اوقات میں واقعات اور قصے عوام کیساتھ شیئر کرتے رہے ہیں تاہم اب پشاور یونیورسٹی کی ایک طالبہ نے بھی عمران خان کی زندگی پر ایک کتاب لکھ ڈالی ہے ۔
جس کا سوشل میڈیا پر خوب چرچا رہا ہو ہے ۔ اب اس لڑکی کی چئیرمین پاکستان تحریک انصاف سے ملاقات کر ا دی گئی ہے۔ یہ ملاقات بنی گالا میں ہوئی ہے ۔ جہاں لیلیٰ اکرام خان نامی اس 17سالہ طالبہ نے عمران خان کو اپنی کتاب
پیش کی جس کا عنوان THE GREAT SON OF SOIL (دھرتی کا عظیم بیٹا ) ہے۔ عمران خان نے طالبہ سے خود کتاب وصول کی اور اس کی کاوش پر اس کی تعریف بھی کی ۔ کتاب میں عمران خان کی زندگی کے اہم پہلوں کو جاگر کیا گیا ہے۔ کتاب لکھنے والی طالبہ لیلیٰ اکرام کا کہنا ہے کہ وہ عمران خان کی بہت بڑی فین ہیں اور عمرن خان کی زندگی کے حالات و واقعات پر گہری نظر رکھتی ہیں ۔
کتاب میں عمران خان کے حوالے سے کئی پہلوں کا اجاگر کیا گیا ہے ، انکا کہنا تھا کہ کتاب مارکیٹ میں آسانی سے دستیاب ہے اور کوئی بھی خرید کر پڑ سکتا ہے۔
