لاہور(آن لائن) وزیر اعظم شاہد خاقان عباسی نے سابق وزیر اعظم نواز شریف سے ملاقات کی ہے جس میں عوامی رابطہ مہم مزید تیز کرنے پر اتفاق کیا گیا ہے جبکہ نواز شریف نے کہا ہے کہ لودھراں کے عوام کا شکریہ ادا کرنے جا رہا ہوں کیونکہ عوام ہی پاکستان کے اصل وارث ہیں اور فیصلہ وہی مانا جائے گا جو عوام کا ہو گا۔ تفصیلات کے مطابق وزیر اعظم شاہد خاقان عباسی نے ہفتہ کے روز سابق وزیر اعظم نواز شریف سے ان کی
رہائش گاہ جاتی امراء میں ملاقات کی ہے جس میں باہمی دلچسپی اور سیاسی امور پر تبادلہ خیال کرتے ہوئے وزیر اعظم شاہد خاقان عباسی نے کہا ہے کہ توانائی اور دیگر ترقیاتی منصوبے تیزی سے تکمیل کے مراحل میں ہیں جبکہ سابق وزیر اعظم نواز شریف نے عوامی رابطہ مہم تیز کرنے پر اتفاق کرتے ہوئے کہا ہے کہ لودھراں کے عوام کا شرکیہ ادا کرنے جا رہا ہوں کیونکہ عوام ہی پاکستان کے اصل وارث ہیں اور فیصلہ وہی مانا جائے گا جو عوام کا ہو گا ۔
