اسلام آباد (مانیٹرنگ ڈیسک) شاہ زیب قتل کیس کے مرکزی ملزم شاہ جتوئی کی ہسپتال منتقلی، سپریم کورٹ کا سپیشل بنچ تشکیل دیدیا گیا۔ تفصیلات کے مطابق شاہ زیب قتل کیس کے مرکزی ملزم شاہ رخ جتوئی کی ہسپتال منتقلی کے معاملے پر چیف جسٹس آف پاکستان جسٹس میاں ثاقب نثار نے سپیشل بنچ تشکیل دیدیا ہے۔ یہ بنچ چیف جسٹس سمیت 3رکنی ہو گا

جس میں جسٹس فیصل عرب اور جسٹس سجاد علی شاہ شامل ہیں۔ جسٹس نے شاہ رخ جتوئی کی جیل سے ہسپتال منتقلی کا نوٹس لیتے ہوئے آئی جی جیل خانہ جات سندھ سے 24 گھنٹے میں رپورٹ طلب کی تھی۔واضح رہے کہ سپریم کورٹ کے حکم پر گرفتاری کے بعد شاہ رخ جتوئی نے 2 دن جیل میں گزارے جس کے بعد وہ کمر درد کا بہانہ کرکے کراچی کے جناح ہسپتال منتقل ہوگیا تھا۔