بورے والا (مانیٹرنگ ڈیسک)تحریک انصاف کے سابق امیدوار قومی اسمبلی و صوبائی نائب صدر پی ٹی آئی ریاست علی بھٹی اپنے ساتھیوں سمیت پارٹی چھوڑ کر ن لیگ میں شامل ہو گئے تفصیلات کے مطابق سابق امیدوار قومی اسمبلی و صوبائی نائب صدر پاکستان تحریک انصاف ریاست علی بھٹی نے گزشتہ روز بورے والا میں وزیر اعلیٰ پنجاب میاں محمد شہباز شریف کے جلسہ عام میں مسلم لیگ ن کے مقامی ایم این اے چوہدری نذیر احمد آرائیں ،سید ساجد مہدی نسیم شاہ ،
ایم پی ایز ،چوہدری ارشاد احمد آرائیں ، چوہدری یوسف کسیلیہ و دیگر پارٹی قائدین کی موجودگی میں اپنی پارٹی چھوڑ کر مسلم لیگ ن کی قیادت پر اعتماد کا اظہار کرتے ہوئے مسلم لیگ ن میں شامل ہونے کا اعلان کیادریں اثناء صدر بار میاں افتخار احمد صابر اور جنرل سیکرٹری رانا محمد سلیم نے سردار ظہور احمد ڈوگر کی قیادت میں مسلم لیگ ن میں شمولیت کا اعلان کیا جس کو میاں محمد شہباز شریف نے سٹیج پر ہاتھ ملا کر خوش آمدید کہا۔
