اسلام آباد (مانیٹرنگ ڈیسک)عمران خان عدلیہ اور نیب سے اپنا سیاسی ایجنڈا پورا کروانے کے لیے کیا کر رہے ہیں؟ پاکستان دشمن ہماری ترقی اور سی پیک کو ناکام کرنے کے لئے اوور ٹائم لگا کرکیا کرنا چاہتے ہیں؟ احسن اقبال نے ملک دشمنوں کو کھری کھری سنا دیں وزیر داخلہ احسن اقبال نے کہا ہے

کہ ہمیں ملک کی سلامتی اور مفاد میں یکجہتی قائم رکھنی ہے ٗ سیاسی انتشار زہر قاتل ثابت ہوسکتا ہےٗ لودھراں کا ضمنی الیکشن سب کی آنکھیں کھولنے کے لئے کافی ہے ٗ پاکستان کے دشمن ہماری ترقی اور سی پیک کو ناکام کرنے کے لئے اوور ٹائم لگا کر سازشیں کر رہے ہیں ٗ عمران خان عدلیہ اور نیب سے اپنا سیاسی ایجنڈا پورا کروانے کی سازشیں کر رہے ہیں۔ ایک بیان میں انہوں نے کہاکہ پاکستان کے دشمن ہماری ترقی اور سی پیک کو ناکام کرنے کے لئے اوور ٹائم لگا کر سازشیں کر رہے ہیں ۔ وزیر داخلہ پروفیسر احسن اقبال نے کہاکہ ہمیں ملک کی سلامتی اور مفاد میں یکجہتی قائم رکھنی ہے ۔انہوں نے کہاکہ حالیہ واقعات سے تاثر ابھرتا ہے کہ ہمیں خطرات کا ادراک نہیں ۔ انہوں نے کہاکہ ملک میں سیاسی انتشار زہر قاتل ثابت ہو سکتا ہے ۔ انہوں نے کہاکہ عمران خان عدلیہ اور نیب سے اپنا سیاسی ایجنڈا پورا کروانے کی سازشیں کر رہے ہیں ۔ وزیر داخلہ نے کہا کہ لودھراں کا ضمنی الیکشن سب کی آنکھیں کھولنے کے لئے کافی ہے ۔احسن اقبال نے کہاکہ مسلم لیگ ن کو دبانا اور کمزور کرنا ممکن نہیں ٗ ہم مشتعل نہیں ہونگے ۔